Biðst afsökunar fyrir hönd yfirvalda
Setja bókamerki
Carlos Mazon, hæstráðandi í austurhluta Valensíuhéraðs á Spáni, segir yfirvöld hafa brugðist íbúum héraðsins í kjölfar skyndiflóða sem urðu í október.
Mazon hefur beðist afsökunar fyrir hönd yfirvalda.
Alls létust 224 manns í flóðunum sem lögðu innviði, byggingar og akra í rúst.
Fjölmenntu fyrir utan þinghúsið
Mótmælendur fjölmenntu fyrir utan héraðsþingið þar sem Mazon ávarpaði þingið, þeir sögðu hann lygara og kölluðu eftir afsögn hans.
Tæplega helmingur þeirra sem létu lífið í flóðunum í Valensíu voru 70 ára og eldri.
Þá létu 26 erlendir ríkisborgarar lífið í flóðunum í héraðinu.
Um 130 þúsund manns komu saman fyrr í mánuðinum til þess að mótmæla viðbrögðum yfirvalda.
Vissi ekki að hægt væri að senda tilkynningu
Viðbrögð yfirvalda eru sögð ámælisverð og hafa gagnrýnendur velt fyrir sér hvers vegna yfirvöld tilkynntu að um neyðarástand væri að ræða þrettán klukkutímum eftir viðvaranir frá spænsku Veðurstofunni.
Forstöðumaður almannavarna héraðsins sagðist ekki hafa vitað að hægt væri að senda tilkynningu um neyðarástand símleiðis fyrr en að kvöldi fyrsta flóðsins.
Stormur á Þorláksmessu en víðast hvar stefnir í hvít jól
„Börn heima sem maður myndi vilja hafa í skjóli“
„Þetta er ríkisstjórn almannahagsmuna“
Hrikalegt að heyra fréttirnar
Forstjóri bendir á ábyrgð birgja vegna verðhækkana
„Mér finnst gamla Samfylkingin komin aftur“
„Tímabil aukinnar eldvirkni“
Skattamál verði líklega „þeirra mesta klemma“
