Lars Løkke: Danir fylgjast náið með

Lars Løkke Rasmussen, utanríkisráðherra Danmerkur, segist líta mjög alvarlegum augum rof tveggja sæstrengja í Eystrasalti.

„Við fylgjumst mjög náið með þessum aðstæðum,“ sagði utanríkisráðherrann í samtali við sjónvarpsstöðina TV 2 nú fyrir stundu.

„Við höfum orðið vitni að tveimur gagnatruflunum og það lítum við á sem afar alvarlegt mál og erum í nánu sambandi við viðkomandi lönd, en umfram það get ég ekki sagt meira.“

Frétt af mbl.is

Danir og Svíar útiloka ekki skemmdarverk

Svara ekki hvort hermenn hafi farið um borð

Troels Lund Poulsen, varaforsætisráðherra og varnarmálaráðherra Danmerkur, tók í sama streng á blaðamannafundi síðdegis samkvæmt umfjöllun Berlingske.

Vildi hann ekki gefa upp hvort dönsk stjórnvöld hefðu valdið því að kínverska skipið Yi Peng 3, sem talið er hafa átt þátt í rofi strengjanna, varpaði akkerum í miðju Kattegat þar sem það liggur enn.

Enn síður vildi hann svara því hvort danskir hermenn hefðu farið um borð í kínverska skipið.

Frétt af mbl.is

Yfirvöld láta ekkert uppi: Sænsk herskip kölluð út

• Blogga um frétt