Assad sagður halda sig í Moskvu
Setja bókamerki
Bashar al-Assad, forseti Sýrlands sem er sagður er hafa flúið frá Damaskus eftir að uppreisnarmenn lögðu höfuðborgina undir sig, er nú í Moskvu að sögn rússneskra ríkisfjölmiðla.
Breska ríkisútvarpið hefur eftir miðlinum að forsetinn og fjölskylda hans hafi hlotið leyfi til hælis í Rússlandi. Breski miðillinn kveðst þó ekki enn hafa náð að staðfesta fregnirnar sjálfur.
Uppreisnarhópurinn Hayat Tahrir al-Sham náði í gær völdum í Damaskus og hefur honum því tekist að leggja tvær stærstu borgir Sýrlands undir sig.
Í kjölfarið lýsti hópurinn yfir að hann hefði steypt Assad af stóli. Þá sagði hópurinn að hann myndi frelsa einstaklinga sem hefðu verið ranglega fangelsaðir í Damaskus.
Assad hefur verið við völd frá því faðir hans, Hafez-al Assad, lést árið 2000 en hann hafði gegnt forsetaembættinu frá árinu 1971.
Hayat Tahrir al-Sham hefur boðað útgöngubann í Damaskus í dag og fram á morgun.
Myndskeið: „Engin leið“ að ná tökum á eldunum
Íslensk fjölskylda í LA: „Algjört neyðarástand“
Pyntuðu mann í tvo tíma í Vatnagörðum
Engar vísbendingar um að kvika sé á leiðinni upp
„Þetta er algjör eyðilegging“
Skoða mögulegar verkfallsaðgerðir
Gjörónýt eftir brunann
Til greina kemur að flýta flokksþingi