Swift seldi miða fyrir rúma 2 milljarða dala

Bandaríska poppsöngkonan og lagahöfundurinn Taylor Swift hefur í tæp tvö ár ferðast um heiminn og haldið samtals 149 tónleika undir yfirskriftinni Eras.

Frétt af mbl.is

Taylor Swift sýndi þakklæti með 197 milljóna dollara bónusgreiðslum

Fyrstu tónleikarnir voru haldnir í Arizona í Bandaríkjunum 17. mars 2023 og þeir síðustu í Vancouver í Kanada á sunnudag. Í kjölfarið staðfesti framleiðslufyrirtæki söngkonunnar við dagblaðið New York Times að samtals hefðu selst miðar fyrir rúma 2 milljarða dala eða nákvæmlega 2.077.618.725 dali. Það jafngildir um 280 milljörðum króna.

Þetta er tvöfalt hærri tala en nokkur annar listamaður getur státað af. Sá sem hefur komist næst henni er breski tónlistarmaðurinn Elton John sem seldi miða fyrir 939 milljónir dala á kveðjutónleikaferð sinni sem stóð yfir í fimm ár.

Lesa má meira um málið í Morgunblaðinu í dag.