Kim Yong-Hyun reyndi að taka eigið líf

Fyrrverandi varnarmálaráðherra Suður-Kóreu, Kim Yong-Hyun, reyndi að taka eigið líf stuttu áður en hann var handtekinn fyrir sinn hlut í herlögunum sem lýst var yfir í landinu.

Forseti Suður-Kóreu, Yoon Suk Yeol, lýsti yfir herlögum 3. desember fóru hermenn að þinginu í kjölfarið að stöðva starfsemi þess en varnarmálaráðherra er ábyrgur fyrir aðgerðum hersins.

Frétt af mbl.is

Lýsir yfir herlögum í Suður-Kóreu

Forsetinn neyddist til að fella úrskurðinn úr gildi stuttu seinna eftir að þingmenn kusu gegn herlögunum.

Seoul Dongbu fangelsi í Suður-Kóreu Ljósmynd/AFP

Sagði af sér og baðst afsökunar

Frétt af mbl.is

Varnarmálaráðherra S-Kóreu segir af sér

Kim sagði af sér síðastliðinn miðvikudag og var handtekinn í gær.

Hann er sakaður um að hafa misnotað vald sitt til að hindra að lögum og reglu yrði framfylgt og þannig tekið þátt í uppreisn.

Í yfirheyrslu á þingi sagði lögreglustjóri að Kim hafi reynt að taka eigið líf, þar sem hann var vistaður í fangageymslu, örfáum mínútum áður en handtaka hans var tilkynnt.

Starfsmaður fangelsisins greip inn í og gafst Kim upp um leið.

Hann er nú undir vernd og sagður við góða heilsu.

Kim sendi frá sér afsökunarbeiðni fyrir aðgerðir hersins í gegnum lögfræðinga sína í gær þar sem hann sagði „Öll ábyrgð á þessu ástandi liggur eingöngu á mér.“

Hann bað Suður-Kóresku þjóðina afsökunar og sagði undirmenn sína eingöngu hafa verið að fylgja skipunum sínum og sinna þeim skyldum sem þeim er falið.

• Blogga um frétt