Móðirin sagði lögreglu að hann væri mögulega sá grunaði
Setja bókamerki
Móðir Luigi Mangione, sem er grunaður um morðið á forstjóra stærsta sjúkratryggingafyrirtækis Bandaríkjanna, sagði lögreglu degi fyrir handtöku sonar síns að maðurinn sem leitað var að gæti verið sonur hennar.
Bandaríski fjölmiðillinn NBC hefur þetta eftir heimildum sínum innan lögreglunnar.
Lögreglumaður sá líkindi með hinum grunaða
Fjölskylda Mangione hafði tilkynnt að hans væri saknað 18. nóvember.
Í skýrslu lögreglunnar, sem rituð var þegar Mangione var tilkynntur týndur, segir að móðir hans hafi talað síðast við son sinn 1. júlí. Hún hafi sagt að hann hafi verið að vinna í San Francisco í Kaliforníu.
Eftir morðið á Brian Thompson sá lögreglumaður í San Francisco líkindi með Mangione og manninum sem lögregla grunaði um morðið.
Handtekinn daginn eftir upplýsingar frá móður hans
Ábending frá lögreglunni í San Francisco um líkindi Mangione og grunaða morðingjans kom 6. desember, tæplega tveimur vikum eftir að hann var tilkynntur týndur og tveimur dögum eftir morðið.
Lögreglan hafði samband við móður Mangione tveimur dögum síðar, þann 8. desember, og sagði hún hinn grunaða geta verið son sinn.
Daginn eftir var hann handtekinn í Pennsylvaníu eftir að starfsmaður á McDonalds tilkynnti um mann sem var líkur þeim sem framdi morðið.
Frænka hins grunaða birti yfirlýsingu
Í frétt New York Post segir að Nino Mangione, þingmaður repúblikana í Maryland og frændi Luigi Mangione, hafi birt yfirlýsingu á samfélagsmiðlum fyrir hönd fjölskyldunnar þar sem sagði:
„Fjölskylda okkar er í áfalli og niðurbrotin vegna handtöku Luigis. Við biðjum fyrir fjölskyldu Brians Thompson og biðjum fólk um að biðja fyrir öllum þeim sem tengjast málinu.“
Greiða atkvæði um ótímabundin verkföll í dag
Sverri og Snorra báðum gert að greiða 1,1 milljarð
Svona er plan ríkisstjórnarinnar
Höfða mál gegn Kennarasambandinu
Kosningarnar standa
Samþykkt að fjölga lögreglumönnum
Bjóst ekki við að fá Grammy