Assad: Nýju leiðtogarnir hryðjuverkamenn

Bashar al-Assad, fyrrverandi forseti Sýrlands, segir nýja leiðtoga Sýrlands vera hryðjuverkamenn.

Assad flúði frá Dam­askus 8. desember eft­ir að upp­reisn­ar­menn HTS-hópsins lögðu höfuðborg­ina und­ir sig. Í dag sendi hann frá sér sína fyrstu yfirlýsingu síðan hann flúði.

Frétt af mbl.is

Hafa náð Damaskus og Assad flúinn

Assad segir brottför hans frá Sýrlandi ekki hafa verið skipulagða.

Í yfirlýsingunni segist hann hafa farið á herstöð Rússa, Hmeimim, sem er skammt frá sýrlensku hafnarborginni Latakia, þegar „hryðjuverkasveitir“ fóru inn í Damaskus. Þetta hafi hann gert í samráði við rússneska bandamenn sína.

Þegar herstöðin varð fyrir drónaárásum hafi rússnesk stjórnvöld farið fram á að hann yrði fluttur úr landi og til Rússlands.

Frétt af mbl.is

Hver er sýrlenski uppreisnarhópurinn HTS?

• Blogga um frétt