Tala látina komin í fjórtán

Tala látinna af völdum jarðskjálftans öfluga sem reið yfir á Kyrrahafseyjunni Vanúatú í gær er komin upp í 14.

Fjórir hinna látnu létust á sjúkrahúsi í höfuðborginni Port Vilaþ Sex fórust í aurskriðu og fjórir létu lífið í byggingum sem hrundu.

Frétt af mbl.is

Talið að fólk sé inni í húsum sem hrundu

Skjálftinn var af stærðinni 7,3 og hrundu margar byggingar ekki síst í höfuðstaðnum Port Vila þar sem mikið tjón varð á byggingum.

Björgunaraðilar vinna hörðum höndum við leit að fólki en rafmagn og símasamband liggur niðri á mörgum svæðum. 

Jarðskjálftar eru algengir á eyjunum, sem liggja lágt og eru á svokölluðum eldhring þar sem eldgos og jarðskjálftar eru algengir. Á Vanúatú búa um 320.000 manns.

Frétt af mbl.is

Öflugur jarðskjálfti í Vanúatú

Að sögn yfirvalda hefur þurft að flytja yfir 200 slasaða á sjúkrahús en sjö daga neyðarástandi hefur verið lýst til að takmarka för almennings á meðan leitar- og hjálparaðgerðir standa yfir.

Ástralía og Nýja-Sjáland hafa sent björgunarlið til aðstoðar við leit og björgun og þá hafa stjórnvöld í Bandaríkjunum og Frakklandi heitið aðstoð.

Björgunaraðilar vinna hörðum höndum við leit að fólki. AFP

• Blogga um frétt