„Þungbært að lesa ákæruna“

Fjórir menn hafa nú verið ákærðir fyrir ýmist manndráp eða tilraun tilmanndráps í máli Jonasar Aarseths Henriksens í Nes í Ådal í norska fylkinu Buskerud, en þar fannst lík Henriksens, sem var þrítugur atvinnurekandi, eftir að hann hafði verið ginntur á vettvang undir því yfirskini að ræða hugsanlegt verkefni við einn ákærðu.

Rak Henriksen fyrirtækið Henriksen Solutions AS sem boraði meðal annars vatnsbruna auk þess sem Henriksen var með nokkrar vörubifreiðar á sínum snærum.

Er einn fjórmenninganna ákærður fyrir manndráp, hann er grunaður um að hafa setið fyrir Henriksen í sumarbústað, sem hann svo fannst myrtur við, og skotið hann fjórum skotum.

Frétt af mbl.is

Fannst myrtur við sumarbústað

Jon Anders Hasle er verjandi mannsins og segir í samtali við norska ríkisútvarpið NRK að ákæran hafi komið þeim skjólstæðingi hans í opna skjöldu.

„Ég get staðfest að hún er móttekin. Ég vil ekki fara í nein smáatriði en get sagt að ákæran kemur okkur mjög á óvart. Ég vil ekki segja neitt að svo búnu nema að við erum mjög ósammála orðalagi ákærunnar.“

Skemmdarverk og hótanir

Réttargæslulögmaður fjölskyldu Henriksens er Stefar Ivar Borgen og segir hann þungbært að lesa ákæruna svart á hvítu. „Hún færir okkur í huganum að því sem gerðist 17. ágúst og það á mjög harkalegan hátt. Tilfinningalegu stöndum við nú í þeirri atburðarás miðri,“ segir lögmaðurinn fyrir hönd skjólstæðinga sinna.

Frétt af mbl.is

Héldu upp á afmælið með manndrápi

Norskir fjölmiðlar fjölluðu um það í fyrra, og var það einnig gert hér á mbl.is, að Henriksen hefði lifað í ótta síðustu mánuði lífs síns.

Skemmdarverk höfðu ítrekað verið unnin á bifreiðum hans og óþekktir einstaklingar höfðu haft í hótunum við hann. Hafði Henriksen lagt fram ellefu kærur vegna þessara mála hjá lögreglunni á svæðinu en hann bjó í Hønefoss í Buskerud.

Frétt af mbl.is

Héldu upp á afmælið með manndrápi

NRK

• Blogga um frétt