Manfall í Kænugarði eftir árásir Rússa

Einn er sagður látinn í flugskeytaárás Rússa á Kænugarð, höfuðborg Úkraínu, í dag en svartur reykur stígur upp yfir hluta borgarinnar eftir fjölda sprenginga.

Sergei Popko, yfirmaður herstjórnar Kænugarðs, segir í Telegram að einn sé látinn og Vitali Klitschko borgarstjóri segir að tveir hafi verið fluttir á sjúkrahús eftir brak féll á fjórum svæðum og kveikti í bílum og byggingum.

Úkraínsk yfirvöld greindu einnig frá eldflaugaárásum í hafnarborginni Kherson í suðurhluta landsins, þar sem einn lést og sex særðust.

• Blogga um frétt