Þýski flokk­ur­inn Alternati­ve für Deutsch­land (AfD) stóð fyrir kröfugöngu í dag þar sem syrgð voru fórnarlömb bílaárásar á jólamarkaði í Magdeburg, en atburðurinn hefur vakið heitar umræður um innflytjenda- og öryggisstefnu í landinu.

Ríkisstjórnin hefur staðið frammi fyrir reiðilegum spurningum um skort á viðbrögðum við viðvörunum um manninn sem handtekinn var á vettvangi árásarinnar á föstudag sem varð fimm manns að bana og yfir 200 manns særðust.

Frétt af mbl.is

Segjast hafa varað þýsk yfirvöld við

Viðvaranir bárust

Reiðin á rót sína í fréttum um að Sádi-Arabar hafi varað Þjóðverja við ríkisborgara sínum, hinum 50 ára Taleb al-Abdulmohsen, sem kom til Þýskalands árið 2006 og fékk stöðu flóttamanns 10 árum síðar.

Ótal viðvaranir hafi borist um að maðurinn, sem bæði er geðlæknir og aðgerðasinni, gæti verið hættulegur og að framsalsbeiðni hafi verið til staðar.

Abdulmohsen hefur á netinu tjáð hatur sitt á íslam, reiði í garð þýskra yfirvalda og stuðning við öfgaskoðanir á „íslamvæðingu“ Evrópu.

Frétt af mbl.is

Barnið sem lést var níu ára gamalt

Sá grunaði hefur verið úrskurðaður í gæsluvarðhald fyrir fimm morð og 205 morðtilraunir, að sögn saksóknara. Hann er enn sem komið er ekki sakaður um hryðjuverk.

Árásin hefur sett mikla áherslu á öryggis- og innflytjendamál fyrir þingkosningarnar í Þýskalandi 23. febrúar næstkomandi.

Tengdar fréttir

Árás á jólamarkað í Magdeburg

Öðrum leik frestað vegna árásarinnar

• Segjast hafa varað þýsk yfirvöld við
• Barnið sem lést var níu ára gamalt
• Hrikalegt að heyra fréttirnar
• Tók þrjár mínútur að drepa fimm og særa 200

» Fleiri tengdar fréttir

• Blogga um frétt