Lestarstjóri stökk úr lest á ferð í Frakklandi

Lestarstjóri í Frakklandi tók eigið líf á aðfangadagskvöld með því að stökkva út úr lest sem hann stjórnaði á fullri ferð.

Ferðir um 3.000 farþega í tíu hraðlestum á milli Parísar og suðausturhluta Frakklands töfðust um allt að fimm klukkustundir vegna sjálfsvígsins.

Lestin stöðvaði af sjálfu sér eftir að lestarstjórinn stökk út, en sérstakur neyðarbúnaður kemur í veg fyrir að lestin haldi leið sinni áfram ef enginn er undir stýri.

Lík lestarstjórans fannst við lestarsporin en rannsókn á aðdraganda andlátsins stendur yfir.

Embætti land­lækn­is bend­ir á að mik­il­vægt sé að þeir sem glíma við sjálfs­vígs­hugs­an­ir segi ein­hverj­um frá líðan sinni, hvort sem er aðstand­anda eða hafi sam­band við Hjálp­arsíma Rauða kross­ins 1717, eða á net­spjalli 1717.is, við hjúkr­un­ar­fræðing í net­spjalli á heilsu­vera.is eða við ráðgjafa í síma Píeta-sam­tak­anna s. 552-2218. Píeta-sam­tök­in bjóða einnig upp á ráðgjöf og stuðning fyr­ir aðstand­end­ur þeirra sem glíma við sjálfs­vígs­hugs­an­ir.

Fyr­ir þau sem misst hafa ást­vin í sjálfs­vígi bend­ir land­læknisembættið á stuðning í sorg hjá Sorg­armiðstöðinni í síma 551-4141 og hjá Píeta-sam­tök­un­um í síma 552-2218.

• Blogga um frétt