Munu ekki hafa samband við Rússa vegna sæstrengsins

Yfirvöld í Finnlandi héldu blaðamannafund í hádeginu í dag vegna sæstrengsins Estlink 2 sem bilaði í gær. Þar sagði Robin Lardot, framkvæmdastjóri rannsóknardeildar finnska ríkislögreglustjórans, að grunur léki á um að strengurinn hafi slitnað vegna utanaðkomandi afla. 

Finnsk yfirvöld hafa þegar kyrrsett eitt skip sem grunur liggur á um að hafa rofið sæstrenginn. Lögreglan í Finnlandi mun nú sigla því inn á finnskt hafsvæði til að halda rannsókninni áfram. 

Frétt af mbl.is

Sæstrengur milli Finnlands og Eistlands bilaður

Tvö flutningaskip voru steinsnar frá sæstrengnum þegar bilunin varð og var annað þeirra á leið frá Pétursborg í Rússlandi til Egyptalands. 

Munu ekki hafa samband við Rússa

Finnski ríkislögreglustjórinn var spurður út í mögulega tengingu við Rússa en vildi lítið tjá sig um málið. Sagði hann þó að ekki hafi verið haft samband við yfirvöld í Rússlandi vegna málsins og taldi hann ólíklegt að svo yrði gert. 

Þetta er ekki í fyrsta sinn sem sæstrengur rofnar við Finnland á árinu en í nóvember var greint frá því að sæstrengur hefði rofnað á milli Finnlands og Þýskalands þar sem grunur lék á að um skemmdarverk væri að ræða. 

YLE

• Blogga um frétt