Vladimír Pútín, forseti Rússlands, segir að Robert Fico, forsætisráðherra Slóvakíu, hafa boðist til þess að gera Slóvakíu að vettvangi fyrir hugsanlegar friðarviðræður milli Rússlands og Úkraínu.

Þetta sagði Pútín á blaðamannafundi í dag.

Á næsta ári verða liðin þrjú ár síðan Rússland gerði innrás inn í Úkraínu og hefur stríð staðið yfir síðan þá.

Robert Fico, forsætisráðherra Slóvakíu, og Vladimír Pútín Rússlandsforseti. AFP

Einn fárra leiðtoga sem einangrar ekki Pútín

Fico er einn fárra leiðtoga Evrópuríkja sem hefur viðhaldið tengslum við Kremlverja en hann átti fund með Pútín í Moskvu 22. desember. Vesturveldin hafa reynt að einangra Pútín en hann virðist ekki ætla að taka þátt í því.

Slóvakía er aðili að Atlantshafsbandalaginu og Evrópusambandinu. Þrátt fyrir það hefur Slóvakía ekki tekið þátt í hernaðaraðstoð Úkraínu og hefur kallað eftir friðarviðræðum.

Frétt af mbl.is

Rússar réðust á orkuinnviði á jóladag

Umræða um friðarviðræður Úkraínu og Rússlands hefur borið á góma æ meira eftir að Donald Trump var aftur kjörinn Bandaríkjaforseti í síðasta mánuði. Hann hefur heitið því að stöðva átökin þegar hann tekur við embætti í janúar.

Í gær gerðu Rússar árás á orkuinnviði í Úkraínu en í gær var jóladagur. 

Tengdar fréttir

Úkraína

Úkraínumenn handtóku norðurkóreskan hermann

• Rússar réðust á orkuinnviði á jóladag
• Segja Norður-Kóreumenn hafa haft lítil áhrif
• Norðurkóreskir hermenn drepnir í stríði Rússa
• Sammála um að koma þurfi á „varanlegum friði“

» Fleiri tengdar fréttir

• Blogga um frétt