Macron: Hugur okkar hjá fjölskyldunum
Setja bókamerki
Leiðtogar víða um heim hafa fordæmt árásina sem var gerð í New Orleans á gamlárskvöld þegar bíl var ekið inn í mannfjölda með þeim afleiðingum að 15 hið minnsta eru látnir og tugir særðir.
„New Orleans, sem á svo hlýjan stað í hjörtum Frakka, hefur orðið fyrir hryðjuverki,“ sagði Emmanuel Macron Frakklandsforseti á X þar sem hann skrifaði bæði á frönsku og ensku.
Louisiana var upphaflega frönsk nýlenda og var árásin gerð í hinu þekkta franska hverfi í borginni New Orleans.
„Hugur okkar er hjá fjölskyldum fórnarlambanna og þeim sem særðust, ásamt bandarísku þjóðinni og við deilum sorg hennar,“ sagði Macron jafnframt.
Borgarstjóri Nice sendi samúðarkveðjur
Christian Estrosi, borgarstjóri Nice í Frakklandi sem lenti einnig í svipaðri árás árið 2016 sem varð 86 manns að bana, sendi einnig samúðarkveðjur.
„Harmleikurinn í New Orleans, systurborgar Nice, svipar á sársaukafullan hátt til okkar eigin...Hugur okkar er hjá fjölskyldunum og þeim sem voru keyrðir niður í miðjum hátíðarhöldum á gamlárskvöld,“ sagði hann á X.
„Þessi ofbeldisfulla árás í New Orleans er hræðileg,“ sagði breski forsætisráðherrann Keir Starmer á X.
„Hugur minn er hjá fórnarlömbunum, fjölskyldum þeirra, viðbragðsaðilum og bandarískum almenningi á þessum sorgartímum,“ bætti hann við.
Telur að eldgosahrinan sé að fjara út
Litlar líkur á að stíflan losni á ofsafenginn hátt
Binda enda á 63 ára útgerðarsögu
Ólafsfjarðarmálið fer fyrir Hæstarétt
Liggur þungt haldinn á gjörgæsludeild
Gera má ráð fyrir hálku
