Hátt­sett­ur emb­ætt­ismaður Ham­as-hryðju­verka­sam­tak­anna seg­ir sam­tök­in reiðubú­in að sleppa 34 gísl­um í fyrsta áfanga hugs­an­legs fanga­skipta­samn­ings við Ísra­el, að því er hann sagði í sam­tali við AFP-frétta­veit­una í dag.

Emb­ætt­ismaður­inn seg­ir sam­tök­in búin að samþykkja að sleppa gísl­un­um sam­kvæmt lista sem ísra­elsk stjórn­völd hafa lagt fram.

Skrif­stofa Benja­míns Net­anja­hús, for­sæt­is­ráðherra Ísra­els, seg­ir Ham­as enn eiga eft­ir að leggja fram lista yfir gísla til sín í sam­bandi við hugs­an­leg­an fanga­skipta­samn­ing.

„Ham­as-sam­tök­in hafa samþykkt að sleppa föng­un­um 34, hvort sem þeir eru á lífi eða látn­ir. Hóp­ur­inn þarf þó að fá viku til að eiga sam­skipti við fanga­verðina og bera kennsl á þá sem eru á lífi og þá sem eru látn­ir,“ sagði emb­ætt­ismaður­inn.

Af 251 sem var tek­inn hönd­um í árás­inni 7. októ­ber árið 2023 eru 96 gísl­ar enn á Gasa­svæðinu. Ísra­els­menn segja 34 af þeim látna.

Frétt af mbl.is

Glytt­ir í vopna­hlé: 30 gísl­ar yrðu frelsaðir

Tengd­ar frétt­ir

Ísra­el/​Palestína

Samþykktu van­traust­stil­lögu á hend­ur rík­is­sak­sókn­ara

• Nauðsyn­legt að Ham­as láti af völd­um
• Tíu fór­ust í árás­um Ísra­els­hers í nótt
• Árás­ir hafn­ar aft­ur „af full­um krafti“
• „Leik­regl­urn­ar hafa breyst“: Hóta að opna hlið vít­is

» Fleiri tengd­ar frétt­ir

• Blogga um frétt