Yfir 200 þúsund heimili og byggingar eru án rafmagns vegna ægilegra skógarelda sem geisa nú í Los Angeles í Kaliforníu-ríki Bandaríkjanna. Skógar­eld­arnir breiða hratt úr sér og engin leið er til að beisla útbreiðslu eldsins vegna vinda, að svo stöddu.

CNN greinir frá.

Um er að ræða þrjá skógarelda í úthverfum Los Angeles og tugþúsundir hafa verið fluttir á brott. 

Frétt af mbl.is

Skógareldar í Los Angeles: Tugþúsundir fluttir á brott

Enginn möguleiki á því að ráða niðurlögum eldanna

Enginn möguleiki er á að ráða niðurlögum eldanna í Los Angeles að svo stöddu og slökkviliðsmenn leggja áherslu á að bjarga mannslífum í staðinn, sagði David Acuna, upplýsingafulltrúi Cal Fire við CNN.

Spurður af CNN hvort það væri einhver von á því að það takist hemja eldana, miðað við hve vindurinn er mikill, svaraði Acuna: „Nei. Í alvörunni, það er ekki.“

Acuna sagði að sterkir vindar þýddu að eldarnir héldu áfram að breiðast út.

Stækkar um fimm fótboltavelli á mínútu

„Palisades [staðsetning á einum eld] er nú rétt rúmlega 3.000 hektarar. Eldurinn í Eaton við þjóðgarð Los Angeles er rúmlega 1.000 hektarar. Og Hurst-eldurinn við Sylmar er rétt rúmlega 100 hektarar. Þetta er þó að aukast vegna þess að vindarnir eru ekki að láta undan,“ sagði hann í viðtali við CNN.

Útbreiðsla eldsins á hverri mínútu er á stærð við fimm fótboltavelli samkvæmt CNN.

Tengdar fréttir

Gróðureldar í Los Angeles

Hollywood-stjörnur missa heimili sín

• Íslensk fjölskylda í LA: „Algjört neyðarástand“
• Minnst tveir látnir í eldunum
• Frægir flýja gróðureldana í LA
• Myndskeið: „Engin leið“ að ná tökum á eldunum

» Fleiri tengdar fréttir

• Blogga um frétt