Hollywood-stjörnur missa heimili sín
Setja bókamerki
Fjölmargar stjörnur Hollywood hafa misst heimili sín sökum gróðurelda í úthverfi Los Angeles-borgar í Kaliforníu.
Eldur kviknaði í bakgarði íbúðarhúsnæðis í Palisades-hverfi Los Angeles í gærmorgun og breiddi úr sér á ógnarhraða vegna mikils vinds og þurrks í borginni.
Fjölmargar stjörnur eru búsettar í Palisades-hverfi og hafa margar þeirra þurft að yfirgefa heimili sín á meðan aðrar hafa misst heimili sín í eldsvoðanum.
Á meðal þeirra sem misst hafa heimili sín eru hjónin Adam Brody og Leighton Meester.
Þau eru búsett í Palisades-hverfi og hefur heimili þeirra brunnið til kaldra kola. Sömuleiðis hefur eldsvoðinn eyðilagt heimili leikkonunnar Anna Faris, að því er TMZ greinir frá.
„Þakklátur fyrir öll árin og minningarnar“
Raunveruleikastjarnan Spencer Pratt deildi því á samfélagsmiðlum að hann og eiginkona hans, Heidi Montag, hefðu misst heimili sitt í eldsvoðanum.
„Ég sá eitt jákvætt þegar ég horfði á heimili okkar brenna. Það var að rúm sonar okkar brann í formi hjarta sem sýnir hversu mikil ást var á heimilinu. Ég er þakklátur fyrir öll árin og minningarnar þar með fjölskyldunni okkar,“ skrifaði Pratt við færsluna.
Leikarinn Cameron Mathison deildi einnig á Instagram myndskeiði þar sem sjá má rústir heimilis hans eftir eldsvoðann.
„Þetta er það sem er eftir af fallega heimilinu okkar. Heimilið þar sem við ólum upp börnin okkar og þau gerðu sér vonir um að ala upp sín eigin,“ skrifaði Mathison meðal annars við færsluna.
Telja eldinn hafa komið frá ólöglegri kamínu
„Ýkjukennt“ að segja viðræður „í rífandi gangi“
Kostnaður við Elvanse stóraukist
Oddviti Suðurkjördæmis aldrei búið í Suðurkjördæmi
Vildu yfirráð Íslands á Grænlandi
Skella skuldinni á Búseta
Til greina kemur að flýta flokksþingi
Missti heimilið í þriðja sinn í eldsvoða