Slökkviliðsmenn telja sig vera að að ná einhverjum tökum á gróðureldunum sem nú geisa á fimm stöðum í Los Angeles í Kaliforníu. Tekist hefur að slökkva hluta þeirra.

Stærstu eldarnir loga í Palasides og ná yfir 80 ferkílómetra svæði, en yfirvöld vilja meina að tekist hafi að slökkva sex prósent þeirra.

Einnig loga eldar í Eaton, Kenneth, Hurst og Lidia, en á síðastnefnda svæðinu hefur tekist að ráða niðurlögum eldanna að miklu leyti. Voru þeir minnstir að umfangi.

Enn loga eldar á fimm stöðum í Los Angeles. AFP/Apu Gomes

Frétt af mbl.is

Gróðureldarnir í Los Angeles: Tíu látnir

180 þúsund manns yfirgefið heimili sín

Slökkviliðsmenn hafa unnið dag og nótt frá því á mánudag við reyna að halda eldunum í skefjum, en aðstæður hafa verið erfiðar vegna mikilla þurrka og vinds. 

Um 180 þúsund manns hefur verið gert að yfirgefa heimili sín vegna eldanna, en staðfest er að tíu hafi látist.

Yfir tíu þúsund byggingar; heimili og fyrirtæki hafa orðið eldinum að bráð og talið er að um 60 þúsund byggingar séu enn í hættu.

Frétt af mbl.is

Líklega dýrustu gróðureldar í sögu Bandaríkjanna

Eldarnir eru í Palasides eru umfangsmestir. AFP

Tengdar fréttir

Gróðureldar í Los Angeles

„Guði sé lof, það var þarna enn“

• Eins og kvikmynd – Hús gamanleikara eitt eftir meðal rústanna
• Táraðist þegar hann sá rústirnar
• Gagnrýndur fyrir útlitsdýrkun á ögurstundu
• Borgarstjóri LA virti blaðamenn að vettugi

» Fleiri tengdar fréttir

• Blogga um frétt