Búa sig undir frekari eyðileggingu
Setja bókamerki
Íbúar Los Angeles búa sig undir frekari eyðileggingu þar sem veðurspár gefa til kynna að bæta eigi töluvert í vind og þar með gætu gróðureldarnir sem hafa geisað í eina viku magnast enn frekar.
Búist er við að vindhraði nái hámarki í dag en þá getur hann náð allt að 35 m/s. Veðurspár gera ráð fyrir því að vindhraðinn verði mestur á háfjöllum Ventura, sem eru í um 50 kílómetra akstursfjarlægð frá stærstu eldunum.
Þrír eldar halda áfram að loga. Sá stærsti, Palisades-eldurinn, hefur brennt meira en 23.000 hektara.
Að minnsta kosti 24 hafa látist í eldunum og 23 annarra er saknað á Eaton og Palisades-eldsvæðunum. Talið er að 12 þúsund hús og byggingar hafa orðið eldunum að bráð og 92 þúsund manns hafa þurft að yfirgefa heimili sín. Óttast er að tala látinna muni hækka þegar leitar- og björgunarmenn skoða rústir á svæðinu með leitarhundum.
Í gærkvöld greindu yfirvöld frá því að búið væri að handaka níu manns fyrir rán og einn fyrir íkveikju.
Atkvæði líka í súginn í Norðausturkjördæmi
/frimg/1/54/17/1541765.jpg)
Munu stíga stærri skref en Guðlaugur hafði kynnt
Sakfelling hefði beðið Trumps
Þetta vitum við um atburðarás gosa í Bárðarbungu
Hafna hugmyndum sviðsstjórans
Íbúar á Hlíðarenda ekki verið upplýstir