Lausn verði að fylgja vopnahléi
Setja bókamerki
Emmanuel Macron, forseti Frakklands, segir að lausn verði að fylgja samkomulagi um vopnahlé milli Ísraels og Hamas-hryðjuverkasamtakanna.
Greint var frá því í kvöld að samningar hefðu náðst um tímabundið vopnahlé milli deiluaðilanna og að Hamas myndi leysa 30 gísla úr haldi.
„Samkomulagið verður að virða. Leysa verður gíslana úr haldi. Hjálp verður að berast til íbúa á Gasa. Stjórnmálalausn verður að verða að raunveruleika,“ skrifaði Frakklandsforseti á samfélagsmiðla.
Leiði af sér langvarandi frið
Recep Tayyip Erdogan, forseti Tyrklands, tjáði sig einnig um samkomulagið í kvöld. Sagðist hann vonast til þess að vopnahléið leiddi af sér frið á Gasa.
„Við vonum að samkomulagið muni hagnast svæðinu sem heild og mannkyni öllu, sérstaklega fyrir bræður okkar í Palestínu og að hann muni leiða af sér langvarandi frið og stöðugleika,“ skrifaði Erdogan á samfélagsmiðla.
Biden bjartsýnn
Joe Biden, forseti Bandaríkjanna, ræddi um samningana í ræðu frá Hvíta húsinu í kvöld þar sem hann sagðist hafa unnið að vopnahléinu undanfarna daga ásamt Donald Trump, sem tekur við keflinu af honum í embætti næsta mánudag.
Fyrsti áfangi samningsins varir í sex vikur og felur í sér „fullkomið og algert vopnahlé, brottflutning herafla Ísraelsmanna frá öllum þéttbýlum svæðum á Gasa og lausn fjölda gísla í haldi Hamas,“ sagði Biden.
Ekki er búið að klára að semja um annan áfanga vopnahlésins sem á að taka við að sex vikum liðnum.
Biden kvaðst þó vera sannfærður um að samningurinn myndi halda og að samið yrði um stríðslok í öðrum áfanga.
Endurgreiðir 2,4 milljarða
Ný forysta í uppsiglingu: Hver tekur við taumunum?
Ísrael og Hamas semja um vopnahlé
Ræsing Hvammsvirkjunar gæti tafist um nokkur ár
Tugprósenta vöxtur í tilraunum til netárása
Synti yfir ísvatnið: „Ekki eftir neinu að bíða“
Vitum ekki hvers megnug hún er