Meirihluti á móti því að beita hervaldi
Setja bókamerki
Meirihluti bandarísks almennings er ekki á sömu blaðsíðu og Donald Trump, verðandi Bandaríkjaforseti, hvað varðar yfirtöku á Grænlandi, Kanada og Panamaskurðinum, ef marka má nýja könnun á vegum Daily mail og J.L. Partners.
Aðeins 28 prósent Bandaríkjamanna vilja að Bandaríkin kaupi Grænland.
Samkvæmt könnuninni vilja aðeins einn af hverjum þremur Bandaríkjamönnum, eða rúm 32%, að Kanada og Panamaskurðurinn heyri undir bandarískt yfirráðasvæði.
Daily Mail greinir frá.
Helmingur vill ekki sjá Kanada í Bandaríkjunum
Undanfarnar vikur hefur Trump, sem mun taka við forsetaembætti Bandaríkjanna á morgun, talað opinberlega um yfirtöku á Grænlandi og Panamaskurðinum en einnig hefur hann talað um ágæti þess að Kanada verði 51. ríki Bandaríkjanna.
Könnun Daily Mail leiðir í ljós að 43% Bandaríkjamanna eru andvígir yfirtöku Bandaríkjanna á Panamaskurðinum en 25% hafa enga skoðun.
50% eru andvígir því að Kanada verði 51. ríki Bandaríkjanna. 18% hafa enga skoðun og eins og fyrr segir vilja 32% sjá Kanada sem nýjasta ríki landsins.
62% á móti hervaldi gegn Grænlandi
Trump hefur ekki útilokað að beita hervaldi til að ná Panamaskurðinum og Grænlandi á sitt vald en samkvæmt könnuninni eru 58% Bandaríkjamanna andvígir því að beita hervaldi til að ná Panamaskurðinum en 22% eru með enga skoðun á því.
62% eru á móti því að beita hervaldi til að ná Grænlandi en 22% eru með enga skoðun á því.
Þó að Trump hafi ekki hótað að hervaldi yrði beitt gegn Kanada er það þó tekið með inn í myndina í könnun Daily Mail og sýna niðurstöður að aðeins 18% myndu styðja þær aðgerðir á meðan 62% væru andvíg þeim.
Segir fordæmingu barnaníðinga skaðlega
Mærir starfskrafta og samfélagssýn Þórðar Snæs
140 þurfa að yfirgefa heimili sín
Fyrstu gíslunum sleppt úr haldi Hamas
Vopnahléi frestað
Ísland í úrslitaleik eftir risasigur
„Ekkert horft á þarfir samfélagsins“
Appelsínugul viðvörun á Austurlandi og Austfjörðum