Trump segir Rússa mega búast við frekari aðgerðum
Setja bókamerki
Donald Trump Bandaríkjaforseti telur sennilegt að Bandaríkin grípi til frekari refsiaðgerða gegn Rússum neiti Vladimír Pútín Rússlandsforseti að koma að samningaborðinu til að binda enda á stríðið í Úkraínu.
Þetta sagði Trump á blaðamannafundi í Hvíta Húsinu í dag er hann var spurður hvort að frekari aðgerðir gegn Rússum kæmu til greina ef Pútín myndi ekki ganga til viðræðna.
Hefur lofað að binda enda á stríðið
Trump hafði lofað því áður en hann var settur í embætti á mánudaginn að hann myndi samstundis binda enda á stríðið í Úkraínu þegar hann yrði forseti. Þá hafa margir búist við því að Trump muni draga úr stuðningi til Úkraínu til þess að knýja á um friðarviðræður.
Einnig var haft eftir Trump á mánudaginn að hann teldi að Pútín væri að leggja Rússland í rúst með því að semja ekki um frið.
Trump sagði enn fremur að Volodimír Selenskí, forseti Úkraínu, hefði tjáð sér að hann vildi ná friðarsamkomulagi til að binda enda á stríðið.
Viljum hvorki vera Danir né Bandaríkjamenn
Viðurkennir ábyrgð og segir af sér
Ákærður fyrir tilraun til manndráps
Þykir gott að flóðin féllu
Inga Sæland fyrir og eftir ráðherrastólinn
„Sársauki okkar er nístandi“
Bendir hveitifyrirtæki á kærumöguleika