Auðkýf­ing­ur­inn Elon Musk gerði banda­rísku þró­un­araðstoðina USAID að skot­marki sínu í gær­kvöldi, þegar hann kallaði hana glæpa­sam­tök.

For­set­inn Don­ald Trump fylgdi í kjöl­farið og sagði stofn­un­ina rekna af „rót­tæk­um brjálæðing­um“ og að hann ígrundaði nú framtíð henn­ar.

Full­yrðing­ar þeirra beggja í gær gefa til kynna hversu mikið vald Trump hef­ur fært Musk til að breyta banda­ríska stjórn­kerf­inu.

Musk full­yrti einnig á X, miðli sem hann tók yfir með láns­fé árið 2022, að USAID hefði með pen­ing­um skatt­greiðenda fjár­magnað rann­sókn­ir á efna­vopn­um, þar á meðal Covid-19, sem orðið hefðu millj­ón­um manns að bana.

Emb­ætt­is­menn í rík­is­stjórn Bidens höfðu tengt slík­ar full­yrðing­ar við áróðurs­her­ferð á veg­um Rússa.

Mik­il óvissa

Trump frysti um dag­inn all­ar hjálp­ar­greiðslur stofn­un­ar­inn­ar í þrjá mánuði. Síðar samþykkti hann þó und­an­tekn­ing­ar í til­fell­um mat­væla- og mannúðaraðstoðar.

Starfs­menn USAID segja mikla óvissu ríkja um framtíð henn­ar sem sjálf­stæðrar stofn­un­ar, að því er AFP-frétta­veit­an grein­ir frá.

USAID var komið á fót af Banda­ríkjaþingi og hef­ur til umráða um 42,8 millj­arða banda­ríkja­dala sem verja á til mannúðar- og þró­un­araðstoðar um víða ver­öld.

Tengd­ar frétt­ir

Don­ald Trump Banda­ríkja­for­seti

Sam­stiga gegn Trump

• Hvíta húsið vill að her­inn geri Pana­mapl­an
• Skoða flutn­ing Palestínu­manna til A-Afr­íku
• Rasmus­sen bregst við Trump: Virk­ar ekki svona
• Vill ræða beint við Trump

» Fleiri tengd­ar frétt­ir

• Blogga um frétt