Svarar Trump og Musk með banni og riftun samnings
Setja bókamerki
Frá og með deginum í dag mun kanadíska fylkið Ontario meina bandarískum fyrirtækjum að ganga að samningum við sveitarfélög í fylkinu.
Fylkið er það fjölmennasta í landinu og hýsir Toronto og höfuðborgina Ottawa.
Fylkisstjórinn Doug Ford þetta nú fyrir stundu og segir bannið munu gilda þar til Bandaríkin fella niður þá tolla sem forsetinn Donald Trump skipaði fyrir um fyrir helgi.
Fleiri milljarðar dala sem tapast
Ford bendir á að stjórnvöld í Ontario og stofnanir á vegum þeirra verji 30 milljörðum dala á hverju ári í innkaup, samhliða 200 milljarða dala átaki um uppbyggingu í fylkinu.
Fyrirtæki handan landamæranna muni nú verða af tugum milljarða dala í tekjur.
„Þau geta einungis kennt Trump forseta um það,“ segir Ford.
Rifta samningi við Starlink
„Við ætlum að stíga skrefi lengra. Við munum rifta samningi fylkisins við Starlink,“ bætir hann við og vísar til fyrirtækis í eigu Elons Musk, eins helsta bakhjarls Trumps.
„Ontario ætlar ekki að stunda viðskipti við fólk sem hefur einsett sér að rústa efnahaginum okkar,“ skrifar Ford í tísti á X.
„Kanada hóf ekki þennan slag við Bandaríkin, en sannið þið til – við erum reiðubúin að vinna hann.“
„Pólitískur hráskinnaleikur“ kom í veg fyrir samning
Samþykkt að fjölga lögreglumönnum
Bjóst ekki við að fá Grammy
„Ég hef ekki lesið mína eigin bók“
Reikna með sýnatökum og rakningu eftir þorrablótin
Höfða mál gegn Kennarasambandinu
Leiðum er lokað í Heiðmörk vegna vatnsverndar