Boðað til kosninga í Grænlandi
Setja bókamerki
Búið er að boða til þingkosninga í Grænlandi, sjálfstjórnarsvæði Dana. Kosningarnar fara fram í næsta mánuði, eða þann 11. mars. Múte B. Egede, formaður landsstjórnar Grænlands, sækist eftir endurkjöri og segir hann landið vera að ganga í gegnum fordæmalausa tíma.
Síðustu vikur hefur Donald Trump Bandaríkjaforseti sóst eftir því að festa kaup á landi Grænlendinga sem hefur fallið í grýttan jarðveg á meðal heimamanna. Sagði Trump meðal annars að hann myndi mögulega beita hervaldi til að ná Grænlandi á sitt vald.
Grænlenska þingið samþykkti í dag lög sem banna erlenda eða nafnlausa styrki til stjórnmálaflokka.
„Það eru alvarlegir tímar í gangi. Tími sem við höfum aldrei upplifað áður, þetta er ekki tími fyrir innri átök,“ sagði Múte B. Egede, forsætisráðherra Grænlands í færslu á samfélagsmiðlum í dag.
Kosið er til grænlenska þingsins, Inatsisartut, á fjögurra ára fresti. Síðustu fjögur árin hefur miðjuflokkurinn Inuit Ataqatigiit farið með meirihluta á þinginu. Alls er kosið um 31 þingmann.
Illviðri spáð á morgun
Eyrir með 62 milljarða í JBT Marel
Nemendur við Risbergska-skólann harmi slegnir
Segir deiluaðilum að hætta hnútukasti í fjölmiðlum
Myndir: Víða tjón eftir kröftuga vindhviðu
Sögðust hafa vissu um að hægt væri að ganga lengra
Gætu fallið frá því að leggja á komugjöld