Erlent | AFP | 8.2.2025 | 13:18

Fjöldi palestrínskra fanga frelsaðir fyrir þrjá ísraelska gísla

Fjölskyldumeðlimir fyrrum palestínsks fanga tóku á móti honum í Ramallah í dag. AFP

Hamas-hryðjuverkasamtökin afhentu þrjá ísraelska gísla til Rauða krossins á Gasa í dag í skiptum fyrir fjölda palestínskra fanga sem voru frelsaðir.

Gíslaskiptin eru þau fimmtu af sínu tagi og eru hluti af yfirstandandi vopnahléi við Ísrael.

Mikill mannfjöldi tók á móti gíslunum

Ísraelsku gíslarnir þrír, Eli Sharabi, Or Levy og Ohad Ben Ami, voru látnir lausir eftir að grímuklæddir vígamenn Hamas færðu þá upp á svið í borginni Deir el-Balah í miðborg Gasa.

Í yfirlýsingu ísraelska hersins sagði að þeir væru nú í haldi hermanna sinna á Gasa.

Vígamenn Hamas fylgdu gíslinum Ohad Ben Ami á svið áður en þeir afhentu hann Rauða krossinum í Deir el-Balah, í miðhluta Gasa. AFP

Rúta með frelsuðum Palestínumönnum fór frá ísraelska Ofer-fangelsinu á hernumda Vesturbakkanum í dag, sem voru afhentir í skiptum fyrir þá þrjá ísraelsku gísla sem voru afhentir í Gasa fyrr í dag.

Mikill mannfjöldi, sem hafði safnast saman síðan í morgun í Ramallah, tók á móti palestínsku föngunum þar sem þeir stigu út úr rútunni hver á fætur öðrum.

Fordæma meðferð á gíslunum við afhendinguna

Ísraelskur herferðarhópur fyrir fjölskyldur gísla sem haldið er á Gasa lýsti í yfirlýsingu sinni „truflandi myndum“ af ísraelsku gíslunum þremur þar sem voru neyddir til að tala á sviðinu áður en vígamenn Hamas slepptu þeim.

Benjamín Netanjahú tók undir yfirlýsingu hópsins og sagði myndirnar hafa verið „sjokkerandi“.

Isaac Herzog, forseti Ísraels, sagði meðferð gíslanna þriggja hafa verið „mannúðsglæp“.