Ísra­els­menn segja að ísra­elsku börn­in Ariel og Kfir Bibas, sem tek­in voru í gísl­ingu 7. októ­ber 2023, hafi verið myrt af hryðju­verka­sam­tök­un­um Ham­as.

Daniel Hag­ari, talsmaður Ísra­els­hers, sagði að niður­stöður krufn­ing­ar bentu til þess að dreng­irn­ir hefðu verið myrt­ir með ber­um hönd­um aðeins um mánuði eft­ir að Ham­as-sam­tök­in tóku börn­in. Ham­as hafna full­yrðing­um Ísra­els­manna. 

Ham­as höfðu áður sagt að börn­in hefðu dáið í haldi þeirra vegna loft­árása Ísra­els­manna, en færðu eng­ar sann­an­ir fyr­ir því.

Breska rík­is­út­varpið grein­ir frá.

Frétt af mbl.is

Lík­kist­ur barna uppi á sviði og tónlist spiluð

Gögn­un­um deilt með banda­mönn­um

Hag­ari bætti því við að gögn­un­um yrði deilt með banda­mönn­um Ísra­els svo þeir gætu sjálf­ir staðfest niður­stöðurn­ar.

Ham­as af­henti lík drengj­anna á fimmtu­dag­inn ásamt tveim­ur öðrum lík­um. Annað líkið var af níræðum gísl sem Ham­as tók 7. októ­ber og hitt líkið átti að vera af Shiri Bibas, móður drengj­anna tveggja.

Niðurstaða krufn­ing­ar Ísra­els­manna er þó sú að hér sé ekki um að ræða Shiri Bibas.

Frétt af mbl.is

Ekki um lík Shiri Bibas að ræða

Frétt af mbl.is

Lík Shiri Bibas komið til Ísra­el

Ham­as biðjast af­sök­un­ar

Ham­as-sam­tök­in hafa beðist af­sök­un­ar á því að af­henda vit­laust lík og segja að þeir hafi rugl­ast á lík­um sem voru und­ir rúst­um eft­ir loft­árás­ir. Af­hentu þeir svo í gær líkið af henni.

Ariel bibas var fjög­urra ára gam­all þegar hann var tek­inn og Kfir Bibas var níu mánaða.

66 gísl­ar eru enn í haldi Ham­as á Gasa en í yf­ir­stand­andi vopna­hléi hafa Ham­as af­hent 28 gísla, bæði látna og lif­andi, og Ísra­els­menn hafa af­hent Ham­as yfir eitt þúsund palestínska fanga úr ísra­elsk­um fang­els­um.

Tengd­ar frétt­ir

Ísra­el/​Palestína

Palestínu­menn mót­mæla Ham­as

• Samþykktu van­traust­stil­lögu á hend­ur rík­is­sak­sókn­ara
• Nauðsyn­legt að Ham­as láti af völd­um
• Tíu fór­ust í árás­um Ísra­els­hers í nótt
• Árás­ir hafn­ar aft­ur „af full­um krafti“

» Fleiri tengd­ar frétt­ir

Ísra­elsk­ar vör­ur sniðgengn­ar

Ein­ung­is „fyrsti áfangi“ árása á Ísra­el

• Hvöttu gesti til að sniðganga ísra­elsk fyr­ir­tæki
• Rauði kross­inn á Íslandi seg­ir skilið við Rapyd
• Til­gang­ur­inn ekki að mót­mæla
• Skýra þurfi ut­an­rík­is­stefn­una

» Fleiri tengd­ar frétt­ir

• Blogga um frétt