Boris Spasskí látinn

Rúss­neski skák­maður­inn Bor­is Spasskí er lát­inn, 88 ára að aldri. Skák­sam­band Rúss­lands til­kynnti um lát hans í dag en ekki fylgdi sög­unni hvenær hann hefði lát­ist. Skák­sam­bandið seg­ir að mik­ill miss­ir sé að Spasskí fyr­ir Rúss­land.

Spasskí er fræg­ast­ur fyr­ir ein­vígi sitt við Bobby Fischer hér á landi árið 1972. Það fór fram þegar kalda stríðið stóð sem hæst og var kallað „ein­vígi ald­ar­inn­ar“. 

Spasskí varð heims­meist­ari í skák árið 1969 og hélt þeim titli þar til kom að um­ræddu ein­vígi. 

Hann fædd­ist árið 1937 í Leníngrad, núna Pét­urs­borg. Spasskí þótti mikið efni ung­ur að árum og varð bæði heims­meist­ari í ung­linga­flokki og yngsti stór­meist­ari sög­unn­ar á þeim tíma, 18 ára gam­all.