„Það virtist sem það væri opin sprunga eftir endilöngum Hekluhryggnum og okkur telst til að hún hafi verið um 6-7 kílómetra löng. Það gaus á allri sprungunni og víða stóðu býsna öflugir strókar upp af henni, að minnsta kosti tugi metra í loft upp ef ekki hærra," sagði Guðrún Larssen jarðfræðingur á Raunvísindastofnun Háskóla Íslands í samtali við Fréttavef Morgunblaðsins í kvöld en hún flaug um kvöldmatarleytið yfir gosstöðvarnar í Heklu ásamt fleiri vísindamönnum. Talsvert öskufall hefur verið frá gosinu og á ellefta tímanum í kvöld var farið að bera á öskufalli frá Heklu á Akureyri og víðar á Norðurlandi.

Kröftugt og hefðbundið Heklugos

• Blogga um frétt