Skútan Arcelor Dunkerque lagðist að bryggju í Reykjavíkurhöfn í gærkvöldi og hafði þar með sigur í frönsku siglingakeppninni Skippers d'Isande. Arcelor var fimm daga og níu klukkustundir á siglingu og bætti um 39 mínútur met íslenskrar áhafnar sem sigldi þessa leið fyrir þremur árum. Tíu skútur og 85 skipverjar taka þátt í keppninni sem er nú haldin í annað skipti í minningu sjómanna sem sigldu frá Frakklandi fyrr á öldum til veiða við Íslandsstrendur. Frakkar eru miklir kappsiglingamenn og löng hefð fyrir siglingakeppnum þar. Skúturnar tíu lögðu upp frá Paimpol í Frakklandi sl. sunnudag.

Tengdar fréttir

Skútukeppnin Skippers d´Islande

Siglingin frá Grundarfirði til Paimpol ekkert sældarlíf

• Sigldi frá Grundarfirði til Paimpol á 9 dögum
• Frönsku skúturnar á leið heim
• Minnisvarði um franska sjómenn reistur á Grundarkampi
• Fá góðan beitivind út fyrir Snæfellsnes á leið til Grundarfjarðar

» Fleiri tengdar fréttir