Þegjandalegt hefur verið um björgun íslenska fjölveiðiskipsins Guðrúnu Gísladóttur KE-15 sem sökk í Nappstraumen við Lófót í Noregi fyrir tæpum tveimur árum. Í dag mun norska strandgæslan gera óþolinmóðri sveitarstjórninni í Leknes grein fyrir stöðu málsins.

Guðrún strandaði 18. júní árið 2002 og sökk daginn eftir fyrir utan bæinn Ballstad í Lófót. Íslenskir aðilar gerðu tilraunir til að ná skipinu upp og bjarga því en gáfust upp vegna fjárskorts. Í haust tóku norsk stjórnvöld björgunina yfir.

Bæði Svein Ludvigsen, sjávarútvegsráðherra, og Kjell Magne Bondevik, forsætisráðherra, hafa lýst því yfir að togaranum verði náð upp og komið á brott.

Björgunarfyrirtækið Seløy Undervannsservice, sem stjórnvöld fólu að ná skipinu upp, hefur verið fámált um gang verksins.

„Það er hlutverk strandgæslunnar að upplýsa fjölmiðla. Mér skilst að það verði gert í framhaldi af fundinum með sveitarstjórninni í dag,“ segir Hans Marius Mastermo, framkvæmdastjóri Seløy.

Á fréttavef blaðsins Avisa Nordland í dag segir, að á aðgerðaskrifstofu strandgæslunnar verði beðið með að fjalla um stöðu björgunar Guðrúnar Gísladóttur. Auk fundarins verður farið með sveitarstjórninni í skoðunarferð á strandstaðinn. Þar og þá munu forsvarsmenn sveitarfélagsins fá svar við því hvers vegna björgunin hefur dregist sem raunin er, segir Avisa Nordland.

Tengdar fréttir

Guðrún strandar

Ekki hreyft frekar við Guðrúnu Gísladóttur

• Hætt við leka mánuðum saman úr Guðrúnu KE-15
• Olía lekur á ný úr Guðrúnu Gísladóttur
• Guðrún Gísladóttir KE-15 yfirgefin
• Lítið var eftir af olíunni í Guðrúnu Gísladóttur

» Fleiri tengdar fréttir

• Blogga um frétt