SUS átelur ákvörðun Ólafs Ragnars
Setja bókamerki
Stjórn Sambands ungra sjálfstæðismanna (SUS) átelur ákvörðun Ólafs Ragnars Grímssonar forseta um að synja lögum um eignarhald á fjölmiðlum staðfestingar og segir hana algerlega órökstudda.
„Með fordæmalausri ákvörðun um að synja lögum frá Alþingi staðfestingar hefur Ólafur Ragnar Grímsson dregið embætti forseta Íslands inn í átök stjórnmálanna. Athygli vekur að Ólafur hefur enn ekki fært nein efnisleg rök fyrir ákvörðun sinni. Ljóst er að ýmis mál hafa vakið meiri deilur í þjóðfélaginu en umrædd lög.
Þá hefur Ólafur sjálfur lýst því yfir að það sé íslenskra dómstóla að meta stjórnarskrárígildi laga. Ákvörðun Ólafs veldur því nokkurri óvissu í stjórnskipan ríkisins, enda liggur ekkert fyrir um það við hvaða aðstæður lögum verður synjað um staðfestingu í framtíðinni,“ segir í samþykkt SUS.
Býst við meiri aðsókn í janúar
Segir lögreglu hafa hætt við þegar lögmaður mætti
Búið að opna Hellisheiði
„Guð forði okkur frá því“ að Ísland missi tengslin
Mistókst að ræna hraðbanka
Skoða ráðstafanir vegna mikillar kuldaspár
Úkraínumenn handtóku norðurkóreskan hermann