Ekki lagt til að ákvæði verði um 75% lágmarksþátttöku í þjóðaratkvæðinu um fjölmiðlalögin, að því er fram kom í kvöldfréttum RÚV, en þar sagði að starfshópur, sem ríkisstjórnin fól að fjalla um tilhögun þjóðaratkvæðagreiðslunnar, hafi skilað forsætisráðherra lokaskýrslu í gær.
Í fréttum RÚV sagði að fjallað hafi verið um skýrsluna á ríkisstjórnarfundi í morgun og til standi að kynna innihald hennar eftir helgi á blaðamannafundi.
Hermt var að ekki væru lagðar fram beinar tillögur um tilhögun þjóðaratkvæðagreiðslunnar. Ýmsar leiðir viðraðar sem ríkisstjórnin muni leggja til grundvallar þegar kemur að því að semja frumvarp um þjóðaratkvæðið.