Staðfest er með DNA rannsókn, að blóð sem fannst í íbúð og bíl við Stórholt nýlega, var allt úr Sri Rahmawati, 33 ára gamalli konu, en síðast var vitað um ferðir konunnar í íbúðinni 4. júlí. Fyrrum sambýlismaður konunnar, sem býr í umræddri íbúð, var handtekinn 6. júlí og úrskurðaður í tveggja vikna gæsluvarðhald og verður krafa um framlengingu á gæsluvarðhaldinu lögð fram í Héraðsdómi Reykjavíkur á morgun. Lögreglan í Reykjavík segir að maðurinn sé talinn vera valdur að dauða konunnar en hann hefur neitað því.

Fram kemur í tilkynningu frá lögreglunni í Reykjavík, að í íbúðinni voru merki um barsmíðar, þar fannst blóð og jafnframt ummerki um blóð sem hafði verið þrifið og reynt að þrífa. Í bíl mannsins fannst einnig blóð. Sýni af þessu blóði voru send til rannsóknar hjá rannsóknarstofu í Noregi og liggur niðurstaðan nú fyrir.

Tengdar fréttir

Morð á konu upplýst

Kúbein fannst á botni gjótunnar

• Sri Rhamawati
• Röng ábending er ekki refsiverð
• Fjölskylda Sri Rhamawati sendir lögreglu þakkir
• Lík Sri Rhamawati fannst í hraunsprungu við Hafnarfjörð

» Fleiri tengdar fréttir

• Blogga um frétt