Innlent | Morgunblaðið | 29.7.2004 | 5:30 | Uppfært 6:10

Játar að hafa orðið Sri Rhamawati að bana

Erfiðar aðstæður til leitarKAFARAR frá sérsveit ríkislögreglustjóra, lögreglunni í Reykjavík og Landsbjörg leituðu að hinni látnu í gær við erfiðar aðstæður. Mikill sjógangur og straumur var innan um skerin og klettabeltin á leitarsvæðinu. Morgunblaðið/Júlíus

Fyrrverandi sambýlismaður Sri Rhamawati, 33 ára konu sem saknað hefur verið síðan 4. júlí, játaði í gær að hafa orðið henni að bana. Sakborningurinn heitir Hákon Eydal og er 45 ára að aldri. Situr hann í gæsluvarðhaldi vegna rannsóknar málsins. Hákon játaði á sig manndráp við yfirheyrslur hjá lögreglu í gær, en atburðurinn átti sér stað í íbúð hans í Stórholti að morgni 4. júlí. Í framhaldi verknaðarins flutti hann lík hinnar látnu í poka upp á Kjalarnes og varpaði því í sjóinn fram af klettum í Hofsvík.