Davíð segir bandarísk yfirvöld engar athugasemdir hafa gert

Davíð Oddsson utanríkisráðherra segir bandarísk yfirvöld ekki hafa gert neinar formlegar athugasemdir við boð Íslendinga um að veita skákmeistaranum Bobby Fischer dvalarleyfi.

Kom þetta fram í hádegisfréttum rúv en þar sagði Davíð að hafi taflmennska Fischers verið brot á viðskiptabanninu á Júgóslavíu sé það brot fyrnt samkvæmt íslenskum lögum.

Davíð sagði engin formleg viðbrögð eða athugasemdir hafa borist frá bandarískum stjórnvöldum vegna ákvörðunar hans. Hann benti á að Íslendingar, rétt eins og Bandaríkjamenn, hefðu tekið þátt í viðskiptabanninu sem sett var á Júgóslavíu 1992.

Davíð sagðist ekki sjá neitt því til fyrirstöðu að unnusta Fischers komi með honum.

• Blogga um frétt