Almenningur fékk fund með starfsmönnum einkavæðingarnefndar
Setja bókamerki
Forsvarsmenn Almennings ehf, félags fólks sem hefur hug á að kaupa hlut í Símanum, fóru á fund starfsmanna einkavæðingarnefndar í fjármálaráðuneytinu klukkan ellefu í dag.
„Við óskuðum þar eftir því að fá útboðsgögn bandaríska fjármálafyrirtækisins Morgan Stanley um Símann, en án þeirra er okkur ókleift að gera útboðslýsingu á Símanum til að senda inn til Fjármálaeftirlitsins,“ segir Agnes Bragadóttir einn forsvarsmanna hópsins. „Við ítrekuðum ennfremur þá ósk okkar um frekari frest til tilboðsgerðar vegna þeirra örðugleika sem hafa mætti okkur.“
Hún segir að starfsmenn nefndarinnar hafi hlýtt á erindið og sagst koma því á framfæri við nefndina sem fundar á miðvikudag. Því sé viðbragða nefndarinnar ekki að vænta fyrr en eftir það.
Þarf að koma til móts við ólíkar þarfir lækna
Dómur þyngdur um þrjú ár
Sjötti ferðamaðurinn er látinn
Vika í kosningar: Þetta segja kannanir
Yfir 300 stæði fóru undir hraun
Hentugt gos fyrst gýs á annað borð
