Þóknum fjárfestingarbankans Morgan Stanley fyrir ráðgjöf við sölu á Landssíma Íslands var 696 milljónir króna. Þetta kemur fram í frumvarpi til fjáraukalaga, sem lagt var fram á Alþingi í dag.

Í frumvarpinu er lagt til að veitt verði 750 milljóna króna fjárveiting vegna kostnaðar við einkavæðingarverkefni á árinu. Er áætlað að kostnaðurinn í heild verði 777 milljónir og þar munar mestu um þóknun Morgan Stanley.

Söluverð Símans var 66,7 milljarðar króna. Í fjáraukalagafrumvarpinu kemur fram, að lögum samkvæmt sé lagður 10% fjármagnstekjuskattur á hagnað af sölunni. Söluhagnaðurinn sé mismunurinn á söluverðmætinu, um 66,7 milljörðum, og bókfærðu verðmæti, um 9,2 milljörðum, þ.e. mismunurinn nemur 57,5 milljörðum. Er sótt um heimild fyrir fjármálaráðuneytið til að greiða fjármagnstekjuskatt af þessari upphæð en á móti eru tekjur ríkissjóðs af fjármagnstekjuskatti hækkaðar um sömu upphæð samkvæmt frumvarpinu.

Fjáraukalagafrumvarp fyrir árið 2005

Tengdar fréttir

Sala Símans

Ísrael ætlar að draga allt herlið sitt frá Líbanon fyrir 22. september

• Álíka margir ánægðir og óánægðir með sölu Símans
• Sala Símans: Forsætisráðherra segir löngu og ströngu ferli lokið
• Skrifað undir kaupsamning vegna Símans
• Hærra verð en búist var við

» Fleiri tengdar fréttir

• Blogga um frétt