Búið að sækja lík danska skipverjans og flytja það til Reykjavíkur

Búið er að flytja til Reykjavíkur lík mannsins sem lést þegar skipverjar af danska varðskipinu Triton reyndu að fara að flutningaskipinu Wilson Muuga í morgun. Leita þurfti að líkinu tvisvar úr lofti þar sem það rak aftur út í sjó eftir að búið hafði verið að staðsetja það við ströndina í fyrstu.

Að sögn lögreglunnar í Keflavík eru aðstæður með ágætasta móti eins og er. Stefnt er að því að fækka skipverjum um borð í flutningaskipinu. Líklegt þykir að fjórir verði sóttir á næstunni, en það fer mikið eftir veðri.

• Blogga um frétt