Slökkvilið höfuðborgarsvæðisins hefur boðað til fréttamannafundar kl. 18 vegna brunans í Austurstræti og Lækjargötu. Þar mun Jón Viðar Matthíasson slökkviliðsstjóri fara yfir atburðarásina og svara spurningum fjölmiðla.

Slökkvistörf eru enn í fullum gangi og er byrjað að rífa Austurstræti 22 þar sem skemmtistaðurinn Pravda er til húsa. Allt tiltækt slökkvilið á höfuðborgarsvæðinu, um 70-80 manns, vinna nú við slökkvistörf og gera má fastlega ráð fyrir því að þeim muni ekki ljúka fyrr en seint í kvöld. Slökkviliði höfuðborgarsvæðisins til aðstoðar eru sex slökkviliðsmenn frá Brunavörnum Suðurnesja.

Vitað er um gaskútageymslu á þaki eins hússins sem kviknaði í en samkvæmt upplýsingum frá Slökkviliði höfuðborgarsvæðisins, var allt reynt til að kæla kútana og hefur það gengið vel.

Ekki er vitað um upptök eldsins en slökkvistarf gengur ágætlega.

Tengdar fréttir

Eldur í miðbæmum

Lækjargata 2 tekin niður

• Slökkvistarfi lokið að mestu og hreinsunarstörf hafin í miðborginni
• Borgarstjóri: „Þetta er mjög döpur stund“
• Þök rifin af brennandi húsum - gaskútageymslur í hættu
• Húsin sem brenna eru frá upphafi 19. aldar

» Fleiri tengdar fréttir

• 1 blogg um fréttina

Bloggað um fréttina

• María Anna P Kristjánsdóttir: Sorgaratburður