Álftin Svandís kom ásamt ektamaka sínum á heimaslóðir við Bakkatjörn á Seltjarnarnesi í lok apríl og er þetta þrettánda árið í röð sem þau búa um sig í hólmanum í tjörninni.

Svandís hefur legið á eggjunum undanfarnar vikur og hefur þeim hjónakornum nú orðið fimm unga auðið eins og tvö fyrri ár. Hún spókaði sig ásamt ungunum í blíðunni á Bakkatjörn í gær. Ungarnir héldu hópinn nálægt mömmu sinni og kannski hefur pabbinn leitað matfanga á meðan.

Álftir koma yfirleitt til landsins í lok apríl.

Tengdar fréttir

Álftin Svandís

Ættbogi Svandísar gefst ekki upp

• Svandís að flytja til Reykjavíkur?
• Hvar er ungi Svandísar?
• Lífið heldur áfram hjá Svandísi
• Brostnar vonir Svandísar

» Fleiri tengdar fréttir