Yfirdráttur vegna Grímseyjarferju
Setja bókamerki
Bjarni Harðarson, þingmaður Framsóknarflokksins, birtir á heimasíðu sinni minnisblað úr skjalasafni samgönguráðuneytisins frá því í maí 2005 þar sem kemur fram að fjármálaráðuneytið muni heimila Vegagerðinni yfirdrátt til að ljúka breytingum á Grímseyjarferju hafi Vegagerðin ekki svigrúm til þess að nýta ónotaðar fjárheimildir.
Bjarni segir á heimasíðu sinni, að fjármálaráðherra, forsætisráðherra og tveir samgönguráðherrar hafi sammælst um að skrökva að þjóðinni og koma sök, sem þeir Árni Mathiesen og Sturla Böðvarsson eigi óskipta, upp á embættismenn. Fyrst verkfræðing sem hvorugur þessara nennti þó að taka mark á og síðan vegamálastjóra sem þó hafi aldrei gert annað en að fara eftir bréflegum fyrirmælum.
Í minnisblaðinu segir: „Hafi Vegagerðin ekki svigrúm til þess að nýta ónotaðar fjárheimildir mun fjármálaráðuneytið heimila yfirdrátt sem þessari vöntun nemur".
Bjarni: „Útilokað að þetta geti gengið upp“
Víkingar komnir yfir 800 milljónir í greiðslur
Forstjóri bendir á ábyrgð birgja vegna verðhækkana
Ók á hóp fólks á jólamarkaði: Einn látinn
Samfylking og Viðreisn gáfu loforð
Alvarleg netárás á Wise
„Þetta er ríkisstjórn almannahagsmuna“
