Össur Skarphéðinsson iðnaðarráðherra segir að kaflaskipti hafi orðið með stefnumarkandi ákvörðun Landsvirkjunar um að hefja viðræður um raforkusölu úr fyrirhuguðum virkjunum í neðri hluta Þjórsár við fyrirtæki sem hyggjast byggja upp netþjónabú og kísilhreinsun fyrir sólarrafala. „Ég sé því ekkert nema jákvætt við þetta,“ segir Össur.

Þórunn Sveinbjarnardóttir, umhverfisráðherra, segir að fljótt á litið sýnist sér þetta vera skynsamleg ákvörðun hjá stjórn Landsvirkjunar vegna þess að hún geti stuðlað að fjölbreyttari atvinnuuppbyggingu. Þetta sé athyglisverð ákvörðun og virðist vera merki um ákveðna áherslubreytingu í stjórn Landsvirkjunar.

Össur segir að kaflaskipti hafi orðið með stefnumarkandi ákvörðun Landsvirkjunar. „Hún gengur í þessum efnum algerlega í takt við yfirlýsta stefnu ríkisstjórnarinnar umað það verði að skapa rými fyrir fjölbreyttari iðnað en bara þann sem lýtur að stóriðju og framleiðslu á áli. Ég hef ekki dregið dul á þá skoðun mína að það væri miklu skynsamlegra frá efnahagslegu sjónarmiði og minni áhætta í því fólgin að selja okkar grænu orku til fyrirtækja sem koma úr fleiri áttum,“ segir Össur.

Tengdar fréttir

Landsvirkjun vill selja orku til netþjónabúa

Sveitarstjórn Flóahrepps samþykkir að auglýsa Urriðafossvirkjun

• OR hefur rætt við tug aðila um orkusölu
• Segir að Landsvirkjun eigi að endurskoða virkjunaráform sín
• Sól á Suðurlandi segir virkjanir og orkusölu tvö mál
• Alcan stendur til boða raforka til að gera skipulagsbreytingar

» Fleiri tengdar fréttir