„Ég vil nú fá að sjá hvað er þarna á ferðinni og hvaða hugur fylgir máli og mér er til efs að þetta breyti nokkru, alla veganna litlu um það sem hvort eð er var framundan næstu árin,” sagði Steingrímur J. Sigfússon formaður Vinstri grænna er hann var inntur eftir sínu áliti á stefnubreytingu Landsvirkjunar.

Steingrímur sagði að í tilkynningu Landsvirkjunar væri öllu haldið opnu varðandi aukna framleiðslu í Straumsvík og Grundartanga og að þetta breyti engu um áformin um álver á Húsavík.

„Landsvirkjun var hvort eð er ekki samningsbundin inn í fyrsta áfanga álversins í Helguvík, þannig að það er nú ekki víst að þetta hafi nein teljandi áhrif á næstu árin,” sagði Steingrímur í samtali við Fréttavef Morgunblaðsins.

„Ef hugur fylgir máli og um raunverulega stefnubreytingu er að ræða fögnum við því að sjálfsögðu en maður spyr sig hvort þetta sé raunveruleg stefnubreyting eða áróðursbragð til að verða sér út um svolitla andlitslyftingu,” sagði Steingrímur.

Tengdar fréttir

Landsvirkjun vill selja orku til netþjónabúa

Sveitarstjórn Flóahrepps samþykkir að auglýsa Urriðafossvirkjun

• OR hefur rætt við tug aðila um orkusölu
• Segir að Landsvirkjun eigi að endurskoða virkjunaráform sín
• Sól á Suðurlandi segir virkjanir og orkusölu tvö mál
• Alcan stendur til boða raforka til að gera skipulagsbreytingar

» Fleiri tengdar fréttir

• 3 blogg um fréttina

Bloggað um fréttina

• Þorkell Sigurjónsson: REYNDU NÚ, AÐ VERA SVOLÍTIÐ JÁKVÆÐUR STEINGRÍMUR.
• Guðrún Emilía Guðnadóttir: Steingrímur eigum við að svelta.???
• Ari Guðmar Hallgrímsson: Sammála Steingrími,áróðursbragð og kattarþvottur.