„Fljótt á litið sýnist mér þetta vera skynsamleg ákvörðun hjá stjórn Landsvirkjunar vegna þess að hún geti stuðlað að fjölbreyttari atvinnuuppbyggingu," segir Þórunn Sveinbjarnardóttir umhverfisráðherra. Hún segir að ákvörðunin sé athyglisverð og virðist vera merki um ákveðna áherslubreytingu í stjórn Landsvirkjunar.

Spurð hvort hún telji að þessi áherslubreyting gæti haft áhrif á afstöðu andstæðinga virkjunarframkvæmda í neðri hluta Þjórsár og greitt fyrir framkvæmdunum svarar Þórunn því neitandi. "Ég fæ ekki séð að þetta breyti nokkru um afstöðu manna til þeirra framkvæmda. Ég held að það gildi einu t.d. fyrir þá sem eru núna mótfallnir þessum þremur virkjunum í neðri Þjórsá í hvað sú orka eigi að fara," segir hún.

Tengdar fréttir

Landsvirkjun vill selja orku til netþjónabúa

Sveitarstjórn Flóahrepps samþykkir að auglýsa Urriðafossvirkjun

• OR hefur rætt við tug aðila um orkusölu
• Segir að Landsvirkjun eigi að endurskoða virkjunaráform sín
• Sól á Suðurlandi segir virkjanir og orkusölu tvö mál
• Alcan stendur til boða raforka til að gera skipulagsbreytingar

» Fleiri tengdar fréttir