Varðskip er á leið til móts við flutningaskipið Axel, sem er nú að leggja af stað frá mynni Vopnafjarðar til Akureyrar. Gert er ráð fyrir að varðskipið komi að Axel síðar í dag en nákvæm tímasetning þess liggur ekki fyrir. Samkvæmt upplýsingum Landhelgisgæslunnar var fylgd varðskips til Akureyrar boðin fram í gær en hún afþökkuð.

Gert hafði verið ráð fyrir að varðskip kæmi að skipinu við Vopnafjörð á milli klukkan eitt og tvö en stefu þess hefur nú verið breytt í samræmi við breytta stefnu Axels.

Björgunarskipið Sveinbjörn Sveinsson frá Vopnafirði, var kallað út í morgun er beiðni barst um aðstoð við Axel, sem þá var farinn að taka inn sjó. Farið var með vatnsdælu slökkviliðsins á Vopnafirði út í skipið í morgun og er dælingu úr því nú að mestu lokið.

Axel strandaði utan Hornafjarðaróss í gærmorgun en losnaði af strandstað fyrir hádegi. Skipinu var þá siglt til Fáskrúðsfjarðar þaðan sem til stendur að sigla því til Akureyrar.

Tengdar fréttir

Flutningaskip strandar við Höfn

Ábyrgðarleysi að varpa ábyrgð á strandi á hafnsögumann

• Sjópróf vegna strands Axels
• Sjópróf vegna Axels í dag
• Sjópróf vegna Axels í dag
• 200 tonn af fiski skemmd

» Fleiri tengdar fréttir

• Blogga um frétt