„Ástandið um borð var hræðilegt, allir öskrandi og litla stúlkan mín, tveggja ára, ældi yfir sig alla,“ segir Lilja Björk Eysteinsdóttir, sem var ásamt fjölskyldu sinni um borð í Icelandair-þotunni sem tvívegis reyndi að lenda í Keflavík í fyrrakvöld án árangurs vegna mikilla sviptivinda.

Farþegar urðu flestir mjög hræddir enda lætin í veðrinu mikil og tala um að flugmenn hefðu mátt verja örfáum sekúndum í að segja þeim að vélin væri ekki að nauðlenda, heldur væri í lagi með hana. Þær upplýsingar hafi ekki komið fyrr en vélinni var snúið til Egilsstaða.

Guðjón Arngrímsson, upplýsingafulltrúi Icelandair, segir að farþegar hafi aldrei verið í hættu en þegar ekki hafi verið hægt að lenda hafi verið ákveðið að snúa vélinni til Egilsstaða og biðja þar um læknisaðstoð og áfallahjálparteymi.

Þorkell Ágústsson, forstöðumaður rannsóknarnefndar flugslysa, segir að fyrirliggjandi upplýsingar gefi ekki tilefni til rannsóknar.

Tengdar fréttir

Flugvél gat ekki lent

Héldu að þetta væru endalokin

• Farþegum boðin áfallahjálp