Karlmaður lést þegar eldur kviknaði í fjögurra hæða fjölbýlishúsi í Tunguseli í Breiðholti um kl. sex í morgun. Að sögn lögreglu voru tvö börn og kona flutt á slysadeild vegna gruns um reykeitrun. 

Aðrir íbúar í húsinu fá aðstoð frá Rauða krossinum. Strætisvagn var sendur á staðinn til að taka við fólki ásamt stórum bílum frá lögreglunni. 

Eldurinn kviknaði í einni íbúð þar sem karlmaðurinn, konan og börnin voru.  

Slökkvilið og lögregla eru enn að störfum, en búið er að ráða niðurlögum eldsins. Eldsupptök eru ókunn.

Tengdar fréttir

Lést í eldsvoða

Eldsvoðinn hugsanlega rakinn til kertabruna

• Lést í eldsvoða í Tunguseli
• Söfnun fyrir drengi sem björguðust úr eldi
• Ekki lífshættuleg reykeitrun
• Brunavettvangur rannsakaður

» Fleiri tengdar fréttir