Geir H. Haarde, forsætisráðherra, sagði á Alþingi í dag að hann teldi ekki að nýr úrskurður mannréttindanefndar Sameinuðu þjóðanna um kvótakerfið gæfi tilefni til lagabreytinga hér á landi. 

Geir var að svara fyrirspurn frá Guðjóni A. Kristjánssyni, þingmanni Frjálslynda flokksins. Hann sagði, að álit mannréttindanefndarinnar væri ekki bindandi að þjóðarrétti og veitti ekki vísbendingar um hvernig nefndin vildi að við væri brugðist.

Geir vísaði til þess, að í stjórnarsáttmála ríkisstjórnarinnar væri ákvæði um að farið verði yfir fiskveiðistjórnunarkerfið á kjörtímabilinu. Þá sagði Geir að sjávarútvegs- og landbúnaðarnefnd þingsins muni fjalla um málið í vikunni.

• 1 blogg um fréttina

Bloggað um fréttina

• Jón Magnússon: Það þarf að ná þjóðarsátt um fiskveiðistjórnina.